Korapilo from Amaitasuna by Maddi

'Erori naiz' nion
‘ba altxa' zenion
ta ez da erraz ateratzen arantza, aterantza noa ta itxita zegon
gaur ere ez dakit zein den norantza

Ta egin zazu dantza, geldirik ez egon
Ezinegona egosten odolean balantza
Antzaren antza zalantzan ni hor
Kosk egitearen zapore garratza
Ta hortzak kamuts eta ahoa huts
Inora ez doan alaba umezurtz
Zuri ta zoro, zerura begira
Izarrei so egitean iluntzen dira

Eta 'so' esan duzu
'Ez joan ilargira
hilen argia beti errauts
erakutsizkidazu zure buruko birak
korapilo horiek ditzagun hauts'

Aspaldiko partez, inoizko agian
barruko sokak hasi naiz askatzen
akaso ez nabil gezurren hegian
hezurren egian nintzen kulunkatzen

Atzendu nahi dut etzanaren nagia
nire zatitxoak hasi naiz batzen
ikusten dut batzutan hantxe argia
euriaren ondoren hasi naiz loratzen

Loreak zuretzat, zura zu lurrean
urrea balio dunari egurra
beldurra urratu zait nere aurrean
hari ta zuri azken agurra

Zure zuria nere zimurrean
ilun da gaua, goitik elurra
gertakari asko ilunabarrean
orain tente dago galdera ikurra

Eta 'so' esan duzu...

• Alternative
• Basque music
• Electronic
• classic
• euskara
• lyrical
• Spain