da God from VoiKSmund by Fritz Stingl

da God

d'Wöd richt se ois söwa, d'Wöd is da God
a Kua de kriagt Köba, da Brav wead a Grod
wei ma z'vü Leit wean, drum schickt's wås dahea
an Virus, a Wön und Soidotn mi'n G'weha

d'Wöd richt se ois söwa, d'Wöd is da God
a poa Leit de find'n in richtig'n Pfåd
a poa Leit de find'n in richtig'n Weg nia
iwaroi san's dahoam, kimt ma oft fia

d'Wöd richt se ois söwa, d'Wöd is da God
an Hauff'n san ehalich, da Rest is a G'sod
warum ea's so eiteut håt, des woas nua ea
åb und zua hed i a gånz gean a G'weha

d'Wöd richt se ois söwa, d'Wöd is da God
da reiche frisst Humma, da Oame isst s'Brot
am Sonntåg da Pfoara sågt, ålle san gleich
jetz' wisst's es warum i a d'Kira so scheich

d'Wöd richt sie ois söwa, d'Wöd is da God
boid is' stockfinsa, eiskoit und ois z'spåt
wåx'n tuad nix meha, s'Ess'n is goa
ma denkt dånn voi gean z'ruck, wia's fria amoi woa

d'Wöd richt se ois söwa, d'Wöd is da God
der wås ned mit iha lebt, der kimt in a Not
der wås se geg'n sie stöt, den geht's ned lång guad,
da Berg der spuckt Gluat aus, vo lauta Wuad.

• Austropop
• Reggae
• World
• couplet
• mundart
• Austria