Erinnerungen from VoiKSmund by Fritz Stingl

Erinnerungen

An Hoizkruag und a Wåssapfeiff'n
håst ma dåmois g'schenkt, i hoit's in Ehr'n
I kå's ned gaub'n dass'd nimma bist,
dei Foto in da Hånd mia is zum rean
A Lucka reisst's ma in mei Herz,
du woast oana vo de best'n Freind
doch irgendwånn, büd i ma ei,
sama wiada bei an Bia vaeint

I håb's bis jetzt ned g'schåfft,
dass i dei Handynumma lösch', i brings ned zåm
Wånn i Richtung Emsee foa,
wiad ma oiwei komisch, Ångst, und Bång
Du gehst uns ålle å,
warum's so kema is, geht uns ned ei'
fia di is ois in Ordnung, bist ned traurig,
so wias is, so muass' hoit sei'

Erinnerungen hoit'n di gånz fest bei uns,
a jeda denkt ån di
Traurigkeit erfüllt den Raum, wer is vo uns da Nächste,
vielleicht i
Du håst unsas aufzoagt,
vo Unvawundboakeit san mia weit weg
A Kerz'n brennt oi Tåg fia di,
i wünsch da drüb'n ois guade und vü Glück

Woch'n san scho uma, koana kå's so richtig glaub'n,
wås is passiat
Du bist nimma kumma, ois is traurig,
aus da Hånd rinnt ma des Liad
Du lebst in da Ewigkeit, an jed'n wa's hoit liaba,
du wa'st då
Es woa mit dia a schene Zeit, a gråda M+chö woast,
mit dia woas g'schmåh

• Austropop
• Reggae
• World
• couplet
• mundart
• Austria