Hausbeng from VoiKSmund by Fritz Stingl

Hausbeng

I sitz auf da Hausbeng, es is ruawig und voi klass,
da Åmsln singa ma a Liead
Momentan måcht s'Leb'n fia mi koan Spaß
und i deng nåch wia des nu weida geht und wiad

Mei Zukunftsperspektive håt an Trauaflor am Oam
nix wås i ma vianim geht ma auf
i steh kurz voam Åbgrund, såg wo bin i denn dahoam
i kim nimma vom Fleck, obwoi i lauf

I sitz auf da Hausbeng, es is ruawig und voi sche
a Traktor foat bei mia voabei
s'Leb'n des is schnö umma, wånn i geh, es foit koan auf,
de meist'n find'n nix dabei

Aus de Aug'n und aus'n Sinn, da nexte kimmt glei nåch
di håt's nu nia geb'n, du gehst ned å
i steh kurz voam Åbgrund, bin i wiakle so a Schmåch,
i kim nimma vom Fleck obwoi i fåhr

I sitz auf da Hausbeng, es is ruawig und voi klass,
de Åmsln singa ma a Liead
I hoach ea zua und s'Leb'n måcht so vü Spass
und i deng nåch und daß wås weida geht und wiad

De Zukunft låcht mi å und sågt, schau hea, då is', ge hi'
schnapp das', tråg's so guat geht duri's Leb'n
i steh in da Wies'n und i woas jetz' wo i bi'
koa Ångst meha, he wås kå's denn schenas geb'n

...wås kå's denn schenas geb'n...

• Austropop
• Reggae
• World
• couplet
• mundart
• Austria