Herrgod from VoiKSmund by Fritz Stingl

Herrgod

Blunz'ng'restl Bradlschmia, an Hauff'n Kina dick ois wia
se fress'n eine, ea is fad, d'rum san bei uns vü Kina blad
Uganda oda Senegal, Mass'nsteam des is noamal
mit Hunga geingan's duat ins Bett
bei uns san so vü Kina fett

Jo drum frog i di:
Herrgott wo bist' denn – der håt heit koa Zeit
wos tuast denn, wos is denn - wö'sn heit ned g'freit
Herrgott schau owa, do siagst netta Leit
Nua de Totngrowa haum a schene Zeit

De oidn Nazi wean ned miad, beim Casting spün's s'Horst-Wessel-Liad
ois Bundeshymne tat's ea g'foin, woascheinlich bei nåch next'n Woin
a Schuiåbschluss geh se ned aus, liaba schrein's "Ausländer raus"
in H.C. geht sei G'friss vanaund für Füra, Voik und Våterlånd

Jo drum frog i di:
Herrgott wo bist' denn – der håt heit koa Zeit
wos tuast denn, wos is denn - wö'sn heit ned g'freit
Herrgott schau owa, do siagst netta Leit
Nua de Totngrowa haum a schene Zeit

Prinzregent'n skandalös, im nåhen Ost'n wean's nervös
Ned nua de Griech'n håm koa Göd, de Wååg hängt schief auf dera Wöd
Geisldrama, Taliban, de Menschheit is im Terrorwahn
mit'n Flugzeig trog'ns ea d'Heisa o
i hätt's ned glaubt es is aso

Jo drum frog i di:
Herrgott wo bist' denn – der håt heit koa Zeit
wos tuast denn, wos is denn - wö'sn heit ned g'freit
Herrgott schau owa, do siagst netta Leit
Nua de Totngrowa haum a schene Zeit

• Austropop
• Reggae
• World
• couplet
• mundart
• Austria