Lebensweisheit from VoiKSmund by Fritz Stingl

Lebensweisheit

A Freind der håt an Wückö, mit da Freindin an Bahö
er ruaft mi å und sågt ma, wånn i dir des ois vazö
i deaf fåst nimma aussa Haus, sie kontrolliert mi voi
sie riacht bei miena Untawäsch, de Oide håt an Knoi

I såg zu eam kim åwa, hau di hea då, trink a Bia
låss di ned so harim, wei du kå'st jå nix dafia
wånn des ois in d'Hosn geht, wa's jå wiakle schåd
låss di z'ruck, entspånn di, i gib dia an guat'n Råt

A Glasl Bia und a Zwoablatt – Lebenselixier
so vü håm se scho hoamdraht, mia geht's narrisch guat
wia geht's dia so im Oitåg, rennt's so hoiwegs gråd
håst an Gusta, dånn rauk wås
s'Zeig is in da Låd

Åb und zua siag i so Leit', de keiman ned zua Ruah
de kinan se ned stad håm, vo da Oabat kriangs ned gnua
se kinan ned guat schlåf'n, rennan 15 moi auf's Klo
in da Fria då hans saumiad – des is hoit a so

I werd' jetzt an Workshop måcha, stressfrei duri's Leb'n
då låss i nua de Månna toa, a Gaudi wiad'S nu geb'n
an Vortråg hoid i übas Schlagö und 'in Herinfarkt
i håb fia ea de Lösung, dass' se ned niedprackt

A Glasl Bia und a Zwoablatt – Lebenselixier
so vü håm se scho hoamdraht, mia geht's narrisch guat
wia geht's dia so im Oitåg, rennt's so hoiwegs gråd
håst an Gusta, dånn rauk wås
s'Zeig is in da Låd

• Austropop
• Reggae
• World
• couplet
• mundart
• Austria