mei Eck from VoiKSmund by Fritz Stingl

mei Eck

In Emsee geboan und in Goisan dahoam – so an Reim,
den muasst amoi håb'n, i mecht niagans åndas wo bleim
Mei Schotzl im Oam und am Bod'n voa uns spüt se da Bua
d'Menscha san groß woan, bei uns dahoam geht’s lustig zua

I geh üwan Losa in d'Augstwies und zum Wüdnsee
ins Rinna zu zuawe, beim Hemi då rennt nu da Schmäh
guad g'jausnt und trunga, zum Åbschied a Lerchal – so guad
a Reischal im G'sicht und in grantig'n Jaga am Huat

Des Eck wo i hea bi' im Soizkåmmaguad
is rupfa, hoat und wundasche
d'Leit san a weng eig'n, håm schief auf in Huat
i mecht vo då ned wegga geh
wånnst då dazuag'heast, dånn g'heast wo dazua
die Lebtåg bist neama alloa
rundum a Gaudi, wånnst wüst håst die Ruah
es kinnt ma ned nu schena toa, nu schena toa

Mei onkö håt gsunga vom Rindbåtoi und Offnsee
a Musikant woa'ra und d'Liada vo eam san voi schee
i los ma's oft å und i denk ma der Må håt a G'spia
Er håt se vaweigt weu d'Musi vo eam de stiabt nia

Sitz i voa da Hitt'n a Pfeifal im Meu und denk nå
a wånns oft nå Toi geht in Wiaklikeit håb i's voi gschmåh
Freind håb i guade, då dång i in Herrgod dafia
wånn in persönlich triff geh i mit eam auf a Bia

Des Eck wo i hea bi' im Soizkåmmaguad
is rupfa, hoat und wundasche
d'Leit san a weng eig'n, håm schief auf in Huat
i mecht vo då ned wegga geh
wånnst då dazuag'heast, dånn g'heast wo dazua
die Lebtåg bist neama alloa
rundum a Gaudi, wånnst wüst håst die Ruah
es kinnt ma ned nu schena toa, nu schena toa

• Austropop
• Reggae
• World
• couplet
• mundart
• Austria