stille Zeit from VoiKSmund by Fritz Stingl

stille Zeit

Weihnåcht'n in Emsee
beschaulich, wundasche
ma deaf hoid ned auf d‘Nåcht alloa
in d‘Fingaleit‘n geh

heit san‘s Plastikkugal
moag‘n is' vielleicht a Schred
Neos trett‘n hi auf oan
neamd frågt‘n wia‘s eam geht

Weihnåcht in da Låmbå
gånz a ruhige Zeit
schneebestäubte Stråss‘n
nåchdenklich de Leit

er denkt noch wia‘s g‘wes‘n is
sie denkt nåch, wia‘s wird
beim Nåchba'n heast koa Stille Nacht
er singt a gestrig‘s Liad

Wånn s'Christkind üwan Traunsee fliagt
is ois vom Nebö dicht
koana siagt den Glånz vo eam
es is jo nur a G‘schicht
in de Kinda wird vazöh‘t
dass‘ des ois ned gibt
wichtig is dass d‘Softgun
untan Christbam liegt

Weihnåcht in da Mudleb‘n
gånz a stülla Ort
1000e håm‘s hivafråcht
håm duat auf's sterb'n g'woat

heit schaut‘s duat‘n aus
ois wa nu nia sowos passiad
da Nåchba und sei Freind
håm se de Kopfhoar årassiat

Weihnåchtn in Östareich
vom Berg ob‘n åweg‘schaut
in månche dungön Gåss‘n
wean Araba niedag‘haut

in a finstan Eck‘n
schlåg‘ns brutal an Schwoazn zåm
owa es hoast oiwei, dass ma koane Nazi håm

Wånn s'Christkind üwan Traunsee fliagt
is ois von Nebö dicht
koana siagt den Glånz vo eam
es is jo nur a G‘schicht
in de Kinda wird vazöh‘t
dass‘ des ois ned gibt
wichtig is dass d‘Softgun
untan Christbam liegt

Wånn s'Christkind üwa d‘Hoamat fliagt
is ois von Nebö dicht
koana siagt den Glånz vo eam
es is jo nur a G‘schicht
in de Kinda wird vazöh‘t dass‘ des ois ned gibt
wichtig is dass d‘Softgun
untan Christbam liegt

• Austropop
• Reggae
• World
• couplet
• mundart
• Austria