VoiKSmund from VoiKSmund by Fritz Stingl

VoiKSmund

Friara woans ned deppad,
üwaliefat wiad uns ois nu duach'n Voiksmund
Wast ned auffig'stieg'n, dånn wast ned åweg'foin
so oafåch red' da Voiksmund
der wås a volle Hos'n håt, der håt leicht stinga
und sei Leb'n wiad unrund
Aus'n Woid kimmt's aussa wia ma eineschreit,
de Weisheit bringt da Voiksmund

Bei Dungöheit siagt me ned so weit wia bei Tågesliacht,
wo ma mehra siacht is Voiksmund
Bricht da Kruag, dånn is a z'lång zum Brunnen gånga,
des sågt a da Voiksmund
liaba a Wåmp'n vo vü Bia ois wia an Bugö vo da Oabat,
des is ung'sund
Auf d'Nåcht då wean de Fauön fleissig,
des is d'Woaheit und de woas da Voiksmund

Bei de Oid'n – bist guad g'hoit'n
weise Sprich – de håm's in sich
Los ea zua – wås's ins vazön
bled sans ned – de oidn G'sön

A wånn da Hois voi dreckig is,
dånn tråg in Kopf hoch und merk da in Voiksmund
liegt da Baua tot im Zimmer, lebt a nimma
– lustig klingt da Voiksmund
Iss zåm weu sinnst wiads Wetta schlecht, tua wås i såg,
zum jamman gibt’s do koan Grund
Koa Kråh peckt in de Åndan eane Aug'n aus,
gråd aussa red da Voiksmund

Bei de Oid'n – bist guad g'hoit'n
weise Sprich – de håm's in sich
Los ea zua – wås's ins vazön
bled sans ned – de oidn G'sön

• Austropop
• Reggae
• World
• couplet
• mundart
• Austria