jelo from jelo by jan Usawi

tenpo li alasa tawa telo
ona li ken ala kama pona
ni la mi pakala e linja
sina wile luka e mi a
taso sina pimeja li walo
ijo ni li ken ala lon insa
selo, mi o pini e tenpo
ante ale li moli taso

pilin li kama lon lawa
lon luka lon noka
li ken ala weka
mi toki e ni
ona li pini la mi kama ike a
lon tenpo pimeja la sina ken ala lukin
li kepeken seli li kepeken lete
li pali e seme?
mi awen lon ni
lon anpa suno sewi
ona li sike la
sina ken ala tawa ma pona mi

a, ale li jelo
ijo li ala la mi kama suno e ijo
mi wile e ike la ike li kama lon
ni li pona mi
a, ale li jelo
tan seme la sina wile e loje e laso?
kama suli ni li pona la ona o pini ala
ni li sona mi

tenpo li alasa tawa telo
ona li ken ala kama pona
e mi, mi wile kama sewi
tawa lon insa pi sitelen mi
pona a! sina kama kute
li pana e kiwen pi jelo mute
ni li pakala anu powe
kule ni la mi kama loje

• Pop
• bedroom pop
• electropop
• experimental pop
• singer-songwriter
• toki-pona
• Atlanta