Mormond Braes from The Ledger by Gillian Frame & Findlay Napier with Mike Vass

As I gaed doon by Strichen Toon
I heard a fair maid mourning
An she was makin’ sair complaint
At her true love ne’er returning

Sae fare ye weel ye Mormond Braes
Where aft-times I’ve been cheery
Fare ye weel ye Mormond Braes
For it’s there I lost my dearie

Oh I’ll pit on ma goon o’ green
As a forsaken token
As’ that will let the young men know
That the bands o’ love are broken

There’s mony a horse has snappert an’ fa’en
An risen again fu’ rarely
There’s mony a lass has lost her lad
An’ gotten anither richt early

There’s as guid fish intae the sea
As ever yet wis taken
I’ll cast ma net and try again
For I’m only yince forsaken

Sae I’ll gae doon tae Strichen Toon
Where I was bred and born
An’ there I’ll get anither sweethert
Will mairry me the morn

• Folk
• scottish
• traditional
• Glasgow