Boutellis بوتليس/تعلم عوم from Znousland 1 زنوسلاند by Znous زنوس

أحنا جيل ترنّخ في الخوف و الكف و الماتراك، كبرنا بلا حرمة ذات أو جسد
وجوهنا تمدت للإهانة من أي نوع متع سلطة: المعلم، البو و البوليس
واحد مالثلاثة هذوما ماخذينا منو كان المذلة و مرارتها. ما تعلمنا منو كان قلة الخير و الجعالة و العدوان
ماكينة علّفها بن علي و غوّلها على شعبو لين صارت فرانكشتاين
مشى هو و قعد الغول...دولة في وسط الدولة
تعدّاو سنين و مازال الوحش رابض، فصايل جهلوت من غير أدنى تكوين...أفراد مغلغلة و مكابيت تقول ينتدبو فيهم بالذّمة...

تونس 2019، الناس مازالت تموت على يدين "الأمن" تحت التعذيب و تحت التعنيف و تحت الماء
الغناية هذي عصارة و جيعة و غضب و غصّة ماتموت كان مايموتو 6 أجيال.

(و بربّي ماغير ما تحكيولنا على نساء و رجال الأمن اللي ماتوا واقفين يدافعو على أرضهم و شعبهم يصدّوا في إرهاب صنعوه عروفاتهم و سياسيين بلادهم. وما غير ما تحكيولنا على شويّة خواتنا في المرور تخدم بقلب و تجاهد في الشهيلي و الصرد...هاذوكم الكل في عينينا و قدرهم عالي و لكلنا نعرفو اللي هوما كعبات و مش معنيين لا بالغناية هذي و لا بغنايات أخرين)

الغناية هاذي تعملت عن غير عمد

Tracklist

3.	Boutellis بوتليس/تعلم عوم	1:38

Lyrics

الأربيتر صفّر و الكورة هاي وفات
حنوشة تتلكش pelouse و قرادانات
النّاس أكداس...حشاه اللي دبّر ركوب
و الباقي يروّح نايكها على زوز
دولة طحّانة و تعذّب في الشباب
تشرّد زك أمك و تنش عليك الكلاب
بوليس إرهاب...مخصي و مزال يعض
يسبّولك أمك
زيد يدزّوك في الواد...

تعلّم عوم... تعلّم
تعلّم عوم... تعلّم.
تعلّم عوم... تعلّم.
لكل أميمة شويتوها نقول ACAB
لكل جعالة كليتوها نقول ACAB
لكل وليّة ظلمتوها نقول ACAB
و لكل قضية لفّقتوها نقول ACAB
لكل بنيّة مسيتوها نقول ACAB
لكل ثنيّة سدّيتوها نقول ACAB
لكل حومنا الي سممتوها نقول ACAB
و الشبيبة اللي لزّيتوها تبول... ACAB
يجيك نهار و تنهار.... ACAB
يجيك نهار و تنهار.... ACAB
يجيك نهار و تنهار.... ACAB
يجيك نهار و تنهار.... ACAB

Credits

from Znousland 1 زنوسلاند, released September 20, 2019
حمّة / غيتار و غناء و إليكترونيّات
حليمة / باص و غناء ساعات
جابر / باطري و جلود و قراقب

موسيقى و كلمات: زنوس

License